Баланың білімді, саналы, жан-жақты болып қалыптасуы – ұлт болашағы үшін қашанда маңызды. Ал оған ықпал ету ең алдымен білім ордалары мен ана-аналарға жүктелген міндет.

Ораз Жандосов атындағы шағын орталықты орта мектебінде аудан әкімінің орынбасары Найман Сұлтанбаев пен полиция инспекторы Азамат Тойбаевтың қатысуымен ата-аналар жиналысы өтті.

Бұл жиында жүйелі сөздермен тұшымды әңгімелер айтылды. Сонымен қатар, білім бөлімінің тәрбие ісі жөніндегі әдіскері Индира Инкибаева қатысып, өзінің озық ойында білдірді.

Қазіргі таңда күн тәртібінде мектеп оқушыларының құқық бұзушылығы мен еркін саудадағы электронды шылым шегуі сияқты мәселелердің жиілеуі қоғам арасында өзекті болып отыр.

Жиын барысында ата-аналарда оқушыларды мұндай зиянды әрекеттерден, бұзақылық, олқылық әрекеттерінен аулақ болуы үшін өз ойларын айтып, ұсыныс-пікірлерін ортаға салды. Айта кетейік, аудан аумағындағы білім беру мекемелерінде аталған тақырыптарға байланысты түсіндірме жұмыстары жүргізілуде.